ፍርድ ቤቱ የእነ ደብሬ አሸናፊን ጉዳይ አላይም አለ

ሐምሌ ፮ (ስድስት) ቀን ፳፻፯ ዓ/ም ኢሳት ዜና :- የመናገሻ አንደኛ ደረጃ ፍርድ ቤት ሀምሌ 3/2007 ዓ.ም በደህንነትና ፖሊሶች ተይዞ የታሰረውን የሰማያዊ ፓርቲ የብሔራዊ ምክር ቤት አባል አቶ ደብሬ አሸናፊንና በወቅቱ ከእሱ ጋር ተይዘው የታሰሩትን ወጣቶች ጉዳይ እንደማያይ አስታውቋል፡፡
ዛሬ ሀምሌ 6/2007 ዓ.ም ደብሬ አሸናፊ፣ ቴዎድሮስ ሻንካና ኤፍሬም የተባሉት ታሳሪዎች አምስት ኪሎ በሚገኘው የመናገሻ ፍርድ ቤት ቢቀርቡም ዳኛው ‹‹ይህን ጉዳይ አናይም፡፡›› በማለታቸው እነ ደብሬ ወደ ላዛሪስት ፖሊስ ጣቢያ እንዲመለሱ ተደርገዋል፡፡ ዳኛው ጉዳዩን አላይም ያሉበት ምክንያት አለመታወቁን ነገረ ኢትዮጵያ ዘግቧል።